Minister di Husticia, sr. Andin Bikker, a reuni cu e doñonan di e barnan na San Nicolas pa combersa tocante diferente puntonan.
Sr. Bikker ta splica cu e doñonan di bar tabatin cierto preocupacionnan a base di e accionnan di Guarda nos Costa. Tin basta aña caba cu doñonan di bar a yega na un palabracion cu DIMAS di con pa atende cu e permisionan. E problema ta cu hopi biaha nan no ta haya e permiso na tempo. Esey a pone cu tabatin un mal entendimiento ora cu nan no por a mustra e permisonan durante control di Guarda nos Costa, pasobra e proceso pa haya permiso a tarda asina hopi. E Minister lo papia cu DIMAS pa determina kico ta haciendo cu e proceso aki ta tardando asina hopi. A palabra pa cu nan por duna e lista di aplicacionnan di permiso cu ta pendiente p’asina evita cu tin mal comprendimiento.
Ademas, ta ekipando Guarda nos Costa cu ekiponan mobil p’asina link rib’e sistema di DIMAS y wak cua ta e aplicacionnan pendiente y evita cu mal comprendimientonan asina ripiti.