Minister di Husticia Sr. Andin Bikker den conferencia a comenta riba e sucedido cu a pasa na e casnan di pueblo na Bushiri unda un homber ciego lo tabata haci actonan inmoral den presencia di menornan di edad. Minister a duna di conoce cu Polis a detene e homber, no cu a bin haye ta haciendo su acto y habitantenan a mustra polis e videonan. E famianan no tabata kier a entrega denuncia y no a keda nada otro cu ministerio publico a laga e homber den liberdad. Personanan tabata indigna cu a laga e homber den liberdad, pero si no tin un keho haci y ta algo cu a pasa cu oficialnan no a presencia esaki e pasonan pa sigui tuma ta limita.
Minister Bikker a duna un splicacion den corto pa personanan compronde con e proceso ta, unda como Minister di Husticia nos ta delinea maneho pero casonan individual Minister di husticia como excepcion bo no por bisa ministerio publico y ni polis kico pa haci, pasobra nan ta actua segun e codico penal y kico ta e sospechosonan y si tin denuncia si of no y abase di esei e decision ta keda tuma.