For di aña 1994 Gobierno a trece padilanti un MAVO, HAVO/VWO na Noord, e tempo ey Robin-Ann Didder, candidato riba lista di POR, tabata stage aki na Aruba. Actualmente nos ta den aña 2017 y ainda e bario di Noord no a haya su MAVO, HAVO/VWO. Segun añanan ta bay Aruba a crece unda cu mas hende a bin biba aki na Aruba y mas mucha a nace te cu a bira hoben y cu ta atende scol secundario. Ultimo por a compronde cu Aruba no tin espacio mas pa ubica e hobennan cu ta bay MAVO esaki ta di lamenta. Awor por mira claramente unda e prioridad di Gobierno ta, ta bisto cu a construi diferente caminda y edificionan y tambe hinca placa den un tram cu no ta prioridad pa nos hendenan local y tampoco pa nos muchanan. Esaki ta e consecuencia di e mal decision cu gobierno a tuma y awe enseñansa general ta den un situacion critico.
Gobierno di AVP a laga nos muchanan na caya mescos cu Prome Minister Mike Eman a laga nos millenialnan na caya na e debate ultimo den Cas di Cultura. Ta bisto cu e Minister di enseñansa actual, departamento di enseñansa y e directora di SKOA no tabatin un vision unda nan ta bay cu nan muchanan. Robin-Ann Didder candidato riba lista di P.O.R ta haya cu ta un hilaridad cu na momento cu scolnan ta cera y te awo na ultimo ta mira cu tin un cantidad di mas di 200 mucha cu no tin luga pa nan ricibi nan estudio. Aki nos mester para keto un rato debi cu Aruba no ta cumpliendo cu reglanan internacional di UNESCO riba derechonan di mucha cu gobierno mester atende cun’e cu tur mucha tin derecho di haya enseñansa.
Hopi biaha e cuponan cu ta yena prome ta esunnan di playa y ta pone cu e muchanan lo mester bay scol na San Nicolas. Robin-Ann Didder di Partido P.O.R ta kere mayornan no mester mira esaki malo of preocupa, pero mas tanto pa un training pa e propio hoben cu na momento cu e kier caba scol y lo kier bay biba den exterior atende cu distancia nan leu for di otro y asina cuminsa haya e confiansa con pa atende cu su responsabilidad nan di e bon manera. E hoben por siña tuma bus, tram of bais pa bay scol. Sinembargo Aruba su distancia ta mas chikito y e mucha por train y tuma responsabilidadnan.
Loke cu ta un realidad cu no por yena un klas cu 30 mucha e ta hopi pa e docente, pero tambe e muchanan no ta haya e atencion cu nan merece di haya den klas. Ta di lamenta cu Minister di enseñansa no a para fuerte pa construi scolnan necesario pa awe nos no tin e situacion aki cu un cantidad di mas di 100 mucha cu lo no tin luga pa nan na e momentonan aki.
Partido P.O.R . E Forsa Nobo tin un plan strategico pa soluciona e problema aki debi cu nos muchanan ta e prioridad. Mester pone como prioridad pa traha no un, pero dos MAVO,(HAVO/VWO) pa atende e crecemento di Aruba. Tin diferente luga nan cu por pone den liña cu por pone e scolnan necesario, den e plan di accion y plan di gobernacion di partido P.O.R tin e solucion. Nos enseñansa ta den crisis nos mester para keto un rato analisa y ban padilanti paso ta un Aruba so tin. Hunto NOS POR.