Dialuna mainta Minister di Finansa, Asuntonan Economico y Cultura a ricibi bishita di cortesia di Minister di Cultura di Corsou, sra Marilyn Alcalá-Wallé hunto cu su conseheronan.
E mandatario hunto e delegacion a hiba un conversacion masha ameno den cual a comparti kiko tur ta wordo haci na Aruba y Corsou pa conserva nos herencia cultural y haci esaki mas acesibel na comunidad. Na final di e encuentro Minister Ruiz-Maduro a duna un bunita aprecio na su homologo den forma di un arte di un cas di antaño di Aruba.