Alumnonan di Colegio San Antonio a bishita Bestuurskantoor pa un mainta di orientation di trabou. E mainta aki a cuminsa como uno sumamente ameno, caminda cu Minister Paul Croes a dirigi su mes na e alumnonan di e scol y motiva nan pa sigui den e bon caminda. Minister Croes a habri e mainta enfocando riba e derechonan di cada mucha. Nos muchanan tin responsabilidad pero tambe tin derechonan cu mester keda respeta. Nos muchanan tin derecho di p.e. alimento, enseñansa, expresion etc. Minister Croes a combersa cu e alumnonan aki riba diferente tema y a tuma tempo pa conta e alumnonan un tiki di su estudio y experiencia propio como Parlamentario, Presidente di Parlamento y como Minister pa asina duna e alumnonan un bista di kiko nan tambe lo por logra den futuro.
Minister Croes a stimula e hobennan bisando: Bida ta manera un careda di un trein, bo ta sali di un stacion pa yega na e sacion final. E trein lo confronta diferente contratiempo pero e trein semper mester sigui padilanti. Tin dianan mas positivo cu otro y pesey mester gara tur oportunidad posibel y haci lo miho di dje. Minister Croes a finalisa deseando cada un di e studiantenan aki hopi exito den nan estudio y ta spera cu den futuro lo por mira e hobennan aki bek aportando na nos comunidad.