Diaranson Minister Glenbert Croes a consulta dokter Louise Rafael-Croes kende tin 21 aña trahando como pediatra y 17 aña largo, diariamente, ta atende casonan di negligencia y abuso fisico y sexual di nos muchanan.
Pa su trayectoria y experiencia, Minister a acerc’e pa por scucha su vision con pa soluciona e problematica aki cu ta sacudiendo e fundeshi di nos Pais, cu a pone Aruba su cara na berguensa den Reino Hulandes. Na mes momento e suceso penoso aki a conduci n’e entendimento cu Aruba por conta cu ayudo y experticio di Hulanda pa asisti nos presenta solucionnan cu ta berdaderamante efectivo y sostenible.
Pediatra Rafael-Croes ta un partner importante como un di e dokternan di mucha cu ta studia y capacita pa atende casonan horibel di maltrato y abuso di mucha.
Minister ta uni forsa y envolve tur instancia pa na nivel nacional logra ehecuta solucionnan cu accionnan.