Minister Dangui Oduber: Veld di SC United a haya nan backstop y cura

Minister di Deporte Dangui Oduber ta sigui percura pa deporte haya su debido atencion. Tabata na luna di november aña pasa cu SC United a inaugura nan luznan LED nobo, pero e proyecto no a caba eynan.

Minister Dangui Oduber ta contento di por anuncia cu despues di varios siman di trabou na veld di SC United, a construi un cura rond di e veld y tambe a pone dos backstop pa retene e balanan.  E trabounan cu a keda realisa lo bay percura pa trece mas siguridad pa e muchanan durante di training y weganan pa cu e trafico cu tin rond di e veld.

Minister Dangui Oduber ta contento di por a contribui pa realisa e bunita proyecto cu SC United a presenta na su Ministerio. Maneho di deporte dirigi riba mehoracion di infrastructura di deporte, stimula participacion activo di comunidad na deporte, percura pa tin iluminacion y tambe articial turf na clubnan.

A pesar cu deporte no ta haya su fair share for di Fundacion Lotto, segun e mandatario ta pensa, lo  busca e fondonan necesario pa realisa mas y mas bunita proyecto cu ta trece desaroyonan positivo pa deporte pa yuda e deportenan na Aruba.

Comments

comments