Como minister di salud publico nos por ta satisfecho di e cantidad di personan cu recupera y tambe esnan cu a test positivo.
Awe di e 84 testnan cu a wordo haci tin solamento un positivo. Den e ultimo 8 dianan nos a conoce solamente 5 caso positivo nobo. Si nos por mantene esaki pa 1 siman mas e ta duna un indicacion cu nos ta reduciendo e grado di transmission cual ta un di e factornan mas importante pa gradualmente bolbe bek na normalidad. Tambe 5 persona mas a recupera cu ta pone cu 49 total a recupera te awor. Na e momentonan aki conforme e trend tin mas persona cu a recupera cu a test positivo cual sigur ta un bon senjal cu ta duna un aliento hopi positivo.
Nos lo mester tene duro un rato mas pa nos por logra vence e virus aki. Nos ta hopi optimista cu nos lo controla e transmission y esaki lo conduci pa nos por cuminsa pensa pa gradualmente bai bek na normalidad.