Minister Dangui Oduber: Sport Centrum San Nicolas a haya iluminacion nobo

Minister di Deporte Sr. Dangui Oduber ta contento di por anuncia cu diaranson atardi e sport centrum na San Nicolas a haya lusnan nobo pa e cancha y facilidad. Desde aña 2009 e renobacion di e sport centrum aki a keda aproba den e presupuesto di e tempo ey, pero manera ta custumber di e gobierno anterior nada ta wordo haci.
Desde comienso di e gobernacion actualMinisterio di Deporte a haci un inventarisacion di tur e complehonan deportivo na Aruba cu ta den mal estado y e biaha aki a toca turno na IBiSA na San Nicolas. A constata cu e lusnanta den hopi mal estado y ta trece un peliger na esnan cu ta haci uzo di e cancha y mas facilidad. Mescos cu e sportcentrum, tur compleho lo bay ricibi nan debido atencion segun Minister Dangui Oduber. Awor cu tin iluminacion ariba e cancha aki, por practica deportenan manera basketball, volleyball y mucho mas den oranan di atardi pa anochi tambe.
Hopi ta esnan cu ta haci uzo di sportcentrum San Nicolas pa haci deporte y tambe zumba, tanto hende grandi como muchanan. Na sport centrum tambe tin e programa di “Hoben Activo Hoben Feliz” cu ta 3 biaha pa siman y ta pa muchanan di edad di 8 pa 13 aña. Minister Dangui Oduber ta encurasha tur mayornan cu ta biba na San Nicolas pa hiba nan yui haci deporte y movecion despues di scol.

Comments

comments