Minister Dangui Oduber a ricibi rapport cu resultadonan di e investigacionnan haci na centronan di cuido di nos grandinan.
Minister di Turismo, Salubridad y Deporte, Sr. Dangui Oduber a ricibi un rapport cu e prome resultadonan di e investigacionnan haci na diferente centro di cuido di nos grandinan. E investigacion aki a wordo conduci dor di Inspectie Volksgezondheid Aruba.
Minister a enfatisa e importancia cu e calidad di cuido di nos grandinan tin den e maneho di gobierno. E siguiente plan di e mandatario ta pa bin cu normanan na cual e casnan di nos grandinan mester cumpli cun’e pa asina sigura un bon calidad di cuido pa nos grandinan.