Un noticia cu ta hopi den noticia ta e legalisacion di cannabis medicinal, y varios medionan di prensa a haci como sifuera ta cannabis recreacional ta loke ta bay wordo legalisa.
Minister di Salud, Sr. Dangui Oduber a splica cu loke ta bay legalisa ta e uzo di cannabis medicinal, pa personanan cu tin diabetis, epilepisa, personanan cu ta sufri di depresion, di cancer, stress. E prome fase cu ta bay wordo legalisa ta e CBD oil, creme, capsula. E CBD oil aki tin un dosis di THC hopi abao den dje. Esaki ta e prome stap y tin un concepto di ley cla, e lo worod adapta, cambia pa despues encamina su proceso pa parlamento pa e haya su aprobacion, pa asina e bira disponibel na botica of luganan cu ta bende suplementonan, unda tin luganan cu ta bende suplementonan.E legalisacion di cannabis ta forma parti tambe di e acuerdo di gobernacion di e coalicion aki.
Na Hulanda e CBD oil aki ta obtenibel na Kruidvat. Dus na ningun momento te caso cu ta legalisa e uzo recreacional, pero solamente e uzo medicinal. Hopi hende ta haciendo uzo caba di e cannabis medicinal, pero actualmente e ta ilegal.
Tur pais ta bayendo den e direccion di haciendo uzo di e derivanan di cannabis pa traha productonan medicinal di dje. Canada te hasta a legalis’e recreacional. Pero tanten cu e gobierno di coalicion aki y su persona como minister di Salud, e no ta bay ni explora e uzo recreacional. E ta un minsiter cu ta atende cu Salud Publico y cu ta atende cu e problemanan di adicto tambe. Como minister encarga cu Salud Publico, e ta trata tambe cu adictonan, dus e ta maak mee for di cerca, kico adiccion por haci cu’n persona. Como tal, e ta hopi consciente di e consecuencianan cu e uzo di cannabis recreacional tin pa comunidad. Loke ta e para pe y loke cu gobierno lo bay cuminsa ta e proceso ta e cambio di concepto oil pa uzo di CBD oil, capsula y creme. E mandatario ta lamenta cu ta cuminsa instiga cu informacionnan falso. Na niun momento a papia di cannabis recreacional, ya cu e mandatario ta contra di cannabis recreacional.
C