Minister Dangui Oduber diahuebs mainta tabata na Colegio Laura Wernet Paskel pa loke ta e proyecto di instalacion di airco y esaki ta canando basta lihe y awor aki ta coriente so falta, Minister Oduber a duna di conoce cu e ta contento. For di momento cu nos a drenta Gobierno coleganan miembro di Parlamento di Fraccion di MEP Sr Tevreden y Vrolijk a cuminsa cu un proyecto pa cada NV di Gobierno y sector priva y Minister adopta un scol y purba na yega e fondonan pa yega na instalacion di airco.
Nos a scoge pa adopta Colegio Laura Wernet Paskel na Cadushi Largo y nan tabata tin e necesidad y asina a aserca e cabesanta y el a expresa e necesidad cu instalacion di airco cu awendia practicamente ta un necesidad di con calor ta haci y muchanan den klas ta wordo afecta. Hunto cu coleganan di fraccion MEP a purba na yega na e fondonan y danki dios nos a yega na esaki por medio di un nv di Gobierno y sponsernan cu a adopta e scol aki y awe nos a bin mira e trabounan y tur cos a tuma su tempo pa e parti di coriente y awor aki e airconan ta cla pa wordo cendi.
Ainda mester bin un tussenmeter unda mester haya aprobacion di skoa, unda tin coriente cu mester wordo paga cu antes no tabata e caso. Nos ta contento di a haci un promesa y esaki a keda cumpli y a bin bishita e muchanan tambe. Na final Minister Oduber a bisa cu e ta contento con su ministerio a yuda cu e scol aki hunto cu coleganan di fraccion di MEP con pa yega na fondo y aserca sector priva pasobra nan tambe tin un responsabilidad social pa comunidad pa wak si nan ta dispuesto den e periodo di gobernacion cu nos ta aden pa percura mas tanto scol den otro districto haya airco.