Minister encarga cu Turismo, Salubridad Publico y Deporte, Sr. Dangui Oduber a reuni cu director di SVB Sr. Edwin Jacobs.
E prome reunion entre e Minister encarga cu Deporte y director di SVB a bay den un esfera positivo, caminda cu a papia tocante e fondo y e director a elabora tambe riba e plannan pa cu SVB. Entre e plannan SVB tin plania pa expande nan edificio actual, completa nan proyecto di automatisacion 2020 y tambe SVB kier sigui mehora nan servicio na comunidad.
E director di SVB ta sumamente contento cu su empleadonan a logra un porcentahe halto di 70% di empleadonan cu no ta meldziek y 0 % na AO. Cual ta e estadistica di mas halto den e sector di “semi-overheid”. Tambe SVB a bai over na duna su empleadonan un performance bonus a base di nan prestacion.
E director di SVB tambe a menciona cu e fondonan di SVB ta bon, pero semper tin su retonan. Minister Dangui Oduber a keda satisfecho cu e informacion cu e director di SVB a duna y ta spera cu e fondonan di SVB keda bon den e futuro nos dilanti y cu e empleadonan di SVB sigui duna e bon ehempel.