Den un combersacion diabierna mainta cu Minister di Salubridad sr Dangui Oduber a duna di conoce di un informacion cu nos tabata dispone di dje cu Aruba lo bay haya mas vacuna for di Hulanda.
Minister Dangui Oduber su prome palabranan tabata ” Nos tin varios siman negoshando cu gobierno di Hulanda pa haya mas vacuna. Nos ta pidiendo nan si Aruba por bin na remarke y si tin posibilidad pa manda mas vacuna pa nos por keda cla mas liher.
Considerando e cantidad di registracion cu nos tin caba, E capacidad di duna vacuna cu nos tin, E eficiencia di nos proceso Y tambe e cantidad di hende vacuna Gobierno di Hulanda a bai di acuerdo pa manda nos 5850 vacuna extra diamars awor 23 maart 2021.
Awe nos por comparti cu communidad cu nos ta bai ricibi diamars awor 17.550 vacuna
Cu esaki nos tin 18,720 vacuna pa duna e promer shot.
Un danki di curason na Secretario di estado Blokhuis y gobierno Hulandes pa e cooperacion brinda.
Nos ta sigui haci nos maximo esfuerzo pa nos por logra vence e pandemia. Tin vacuna, ban registra masalmente pa nos por logra scapa bida, evita cu hende ta wordo hospitalisa, evita cu hende por fayece y pa nos por progresa.