E mandatario di Salubridad Publico, Minister DanguiOduber a haci un bishita na IMSAN durante un encuentro y rondleiding di e management team di IMSAN cu e contratistanan local cu lo bay forma parti di e proyecto di expansion y renobacion di IMSAN.
E Minister a cera conoci cu e contratistanan local y a hiba un discurso cortico. Na final di esaki e mandatario a haya un rondleiding chikito inoficial den IMSAN. E Minister encarga cu Salubridad Publico a keda masha satisfecho cu e direccion cu IMSAN ta bayendo. E director di IMSAN ta hopi contento di por conta cu e sosten di e mandatario di Salubridad Publico y ta di opinion cu e vision di e Minister ta fit precies pa locual e como director di IMSAN tawata tin como vision pa cu e instituto medico aki.
Minister Dangui Oduber sigur tin plania pa haci un bishita oficial na e instituto medico situa na San Nicolas den corto tempo pa haya un presentacion di e management team di IMSAN y haci un rondleiding oficial pa cera conoci cu e trahadonan di e diferente departamentonan.