Diasabra mi ta sinti hopi contento y satisfecho cu nos por a amplia nos capacidad di ICU, medicamento y remedi di 6 ICU pa un total di 33 ICU.
Promer cu e crisis di Covid-19 nos tawata tin solamente 6 ICU units. Riba propio forza nos a amplia esaki na 21.
Como minister di salud publico mi a haci peticion na gobierno Hulandes pa nos amplia nos capacidad di ICU aun mas cu 12. E no tawata facil y mi a hiba e lucha aki pa mi pais Aruba y nos a logra awe.
Cu e ampliacion aki nos a yega total na 33 ICU units. Hulanda lo yuda cu personal tambe.
Awe tur e equiponan a yega Aruba y a wordo entrega na hospital. Sigur un logro grandi y un stap mas cerca pa un dia nos bolbe bek na normalidad.
Sigur un danki na gobierno Hulandes y staatssecretaris Blokhuis pa e cooperacion y yudansa brinda den momentonan di crisis.
Nos ta aprecia esaki. Mi ta convenci NOS ta bay logra!