Minister encarga cu Deporte y Salubridad sr Dangui Dangui Oduber a duna di conoce cu e situacion actual di COVID ta bou control unda e cantidad di casonan positivo a baha drasticamente y a pone como meta cu kier mira e casonan bou di un averahe di 30 pa dia pero actualmente e ta 12 pa dia y e rate positivo a baha y e nivel cu ta aceptabel pa mundo henter rond di 5 % y nos ta hopi satisfecho con e situacion ta y ta bayendo den bon direccion.
Minister Dangui a menciona cu deportistanan a wordo perhudica despues cu e di dos ola di Corona a cuminsa na Aruba y nos ta consciente di esaki y como minister di deporte nos kier mira tur deporte wordo reanuda y ta convenci cu entrante 1 pa 2 siman por reanuda tur deporte tur disciplina y por cuminsa organisa competencia bek, pero sin publico debi nos mester ta cauteloso debi cu no tin vacuna y esei ta keda uno fastioso y si nos mira Hulanda y Europa casonan ta aumentando drastico debi cu na momento cu bo descuida covid ta bin bek hopi fuerte, y esaki a pasa na Aruba na momento cu nos no tabata tin ningun caso a habri frontera y covid su di dos ola tabata mas fuerte. Nos mester keda cauteloso, disciplina y sigui e protocolnan y ibisa tin un tremendo protocol hinca den otro y ta convence cu aki dos siman por anuncia cu por habri tur deporte pero teniendo na cuenta cu protocolnan vigente.