Minister Chris Romero reuni cu Asociacion di Cunukeronan di Aruba

0
RBC Juli 2018
Funmiles-2018

Recientemente e Associacion di Cunukeronan di Aruba a pidi un reunioncuMinister Chris Romero y di inmediato e mandatario a acepta e peticion. Durante e reunion cu e Bestuur di e Associacion di Cunukero, a surgi diferente pregunta manera e status di e MOU cu WEB, Minister su ultimo bishita paHulanda y tambe posibilidad pa logra facilita terenonan di Agricultura pa e productornan local.

Minister a splica cu durante su bishita na Hulanda, su persona a reuni cu diferente instancianan renombra den e mundo di systemanan di producción di cuminda mas moderniza manera e Universidad di Wageningen y alavez a intercambia ideanan cu e compania “Priva” cuta experto den diseño y construccion di proyectonan den greenhouses cu control di temperatura, cupa e clima den nos regio ta un factor crucial pa por tin exito cu cualquier cosecha. E mandatario a splica tambe, cu su visión tapa crea mas oportunidad pastudiantenan local por sigui desaroya profesionalmente den e area aki y pa cual motibo su persona hunto cu Minister encarga cu Educacion ta sondeando posibilidadnan pa establece curriculum cu ta inclui materianan mas avanza den e topico aki, cual sigur ta beneficioso pa nos isla.

Otro aspecto di e reunion tabata ariba e topico di awa, pero aki tambe e Cunukeronan a wordo informa, cu WEB lo tin dos dia di reunionnan intensivo e siman aki cu nan, pa hunto traha ariba un plan sostenibel pa por suministra awana tur e productornan local. Tanto e Directora como otro miembronan di staff di Santa Rosa, tambe lo ta presente na e dos dia di reunion, pa conhuntamente sondea e miho strategianan posibel pa implementa un plan concreto cu lo sirbi pa sostene nos productornan local cuawana un prijs competitivo.

Pa locual ta e parti di terenonan pa Agricultura y Cria, Minister Romero a compronde e precupacion di e Cunukeronan local, cu mester wardahopipahanatereno y a expresa cu e lo discuti e punto aki cu su colega encarga cu Infrastructura pa sondea posiblidadnan pa acelera e proceso aki den un forma controla y cu e sosten di Santa Rosa.

 

Comments

comments

C: Heineken
new india