Minister Chris Romero a bay inspecciona e flota di bus nobo pa ARUBUS NV

E titular di e cartera di Transporte, Minister Chris Romero, durante su bishita di trabou na Brasil a bishita e fabrica automotriz MAN/Volkswagen, cual ta e compania encarga cu e fabricacion di e flota nobo di bus pa nos compania estatal ARUBUS NV.

Minister Romero a wordo acompaña pa su consehero, Sr. Edison Briesen, Director di ARUBUS NV, Sr. Edwin Mohamed y representante di e compania Jossy Motors, Sr. Cesar Tromp, cual ta e compania representante di MAN/Volkswagen na Aruba. E delegacion di Aruba a wordo ricibi na e instalacionnan di Resende, Rio de Janeiro, pa Sr. Leonardo Juan Soloaga, kende ta Director di MAN/Volkswagen na Brasil, cu a duna un splicacion amplio di e fabricacion y demas rekisito di e 15 busnan nobo cu ta na caminda pa Aruba.

Durante e reunion cu Sr. Soloaga a papia di e trabou den conhunto cu lo tin entre ARUBUS NV y MAN den futuro pa loke ta, entre otro, entrega di parts, intercambio di e personal di garashi, con pa programa e service di e busnan nobo y particularmente den e periodo di garantia. Esaki te ser haci pa MAN y su representante na Aruba.

Mester remarca cu e bishita aki ta uno sumamente productivo, como cu por a cera aliansanan solido entre e compania Brasilero y Aruba, cual lo traduci den productividad pa Aruba su transporte publico y specialmente nos compania estatal ARUBUS NV.

 

Comments

comments