Minister Bikker mester cuminsa actua pa soluciona problema di rijbewijs

E problema di rijbewijs ta algo cu no ta den prensa p’e ultimo luna, pero ta algo cu tin hopi tempo caba. Di aña pasa por mira cu tin un problema structural na e departamento di rijbewijs di Polis. Ta di lamenta cu despues di a busca atencion cerca Minister na hopi ocasion, a trece esaki padilanti den prensa. Tambe a trece esaki den politica, pero te ainda no tin ningun contesta.

“Mi ta kere pa un cos cu ta asina simpel pa resolve, nos tin cu warda asina largo,” Parlamentario di Fraccion di AVP, Robert Candelaria, a expresa. A yega tempo pa Minister haci algo. Ta mira cu tin un Minister di Husticia cu mas di 1 aña riba e posicion aki, pero keto bay no por skirbi ningun logro riba su nomber, cu excepcion di erornan tras di otro.

E mandatario a bisa por ehempel cu e lo bay traha riba maneho den bario den Cuerpo Policial, bin cu “Bario (wijk) Agenten” nobo, sinembargo a verf un bario post existente y a corta cinta comosifuera ta un edificio nobo. E no a drecha nada eynan, pero simplemente bini riba algo cu ta existi caba y pasa man di verf riba dje.

Ora cu minister a papia di rijbewijs, el a bisa di a traha riba dje pa digitalisa y modernisa esaki. E realidad ta loke cu e Minister a haci ta traha un landsbesluit, pero esaki no ta haci nada. Te cu e dia di awe, e manera cu nan ta pasa examen di rijbewijs ta mesun cos. E sistema di computer cu nan tin di uza ainda no ta vigente. Ainda ta uzando e sistema anticua y cu mester a renoba caba. Te fecha di awe, despues mas di 1 aña na mando, despues mas di 1 aña bo ta bisa di bay modernisa esaki, digitalisa esaki, keto bay ta e mesun sistema.

Loke ta pasando ta cu a cambia personal, nos ta mira cu ta papia riba e problema pero enrealidad nada. “Nos tin cu corda cu rijbewijs ta un sistema, un carchi cu nos mester por uza pa bo por legitima bo mes.” Fraccion di AVP sa cu tabatin motibonan pakico a kita e contacto cu Censo pa nan tabatin acceso. Esaki ta cosnan cu por drecha, pero si sinta warda riba dje e no ta drecha riba su mes. Como Minister, Andin Bikker mester move, tin di actua, tin cu lidera. Pasobra si na final di dia kier pa pueblo tin un rijbewijs profesional, cu e servicio ta uno lihe y di un manera eficiente, e ora no por sinta y crusa man y bisa di spera cu e problema por resolve riba su mes. E mester lanta y tin vision, pero tambe duna liderazgo bisando cu asina bo kier p’e cosnan pasa.

Minister mester facilita e trabou di regla cosnan, di cumpra ekiponan nobo, bin cu sistemanan nobo. Haci esaki y simplemente no sinta papia riba dje, warda riba dje, y aki un par di dia porta ora hendenan mes cuminsa move bo kier bin corta un cinta atrobe. Aworaki ta bo trabou pa move y e ora ey bo ta autorisa pa corta un cinta

Comments

comments