Minister Plenipotenciario Sr. Guillfred Besaril a comenta riba pregunta haci durante conferencia di prensa tocante e seguro di studiantenan na Hulanda y e Minister a comenta cu nan a cuminsa ta atende esaki di biaha y a trece e problema aki cerca di e Minsiter di Enseñansa di Aruba.
E decision a keda tuma cu lo contiua pa un grupo di studiante cu e seguro actual pa motibo cu tabata tin tres luna prome cu e seguro caduca pa tuma e decision si ta sigui cu esaki sino bo ta hayabo den un default pa e aspecto huridico di e seguro. Pero si wak bon tres luna prome tabata den eleccion ainda y no sa si tabata tin continuacion di gobierno of lo bin un gobierno nobo.
Sr Besaril a comenta pa ora cu anos a asumi nos responsabilidad na November ya tabata practicamente laat pa stop e seguro den su forma actual. Minsiter Besaril a bisa cu loke e t’ey haci ta unabes cu e ta sinta y a cuminsa haci e afspraaknan necesario pa sinta cu esnan cu ta maneha e seguro y trece e dolornan padilanti y mira cu tin un mehor entendimento pa loke ta nos studiantenan na Hulanda y e Minister di enseñansa aki na Aruba lo bay cuminsa cu e tramitenan necesario si lo continua cu e mes un compania of lo bin un seguro nobo, tur esaki lo keda cuestiona den e proximo lunanan.
Esaki ta pa si tin un seguro nobo mes pa esnan cu lo bay Hulanda e aña aki na Juli y asina por pasa e studiantenan nobo riba un seguro nobo of por lo menos nan ricibi un servicio mas adecua cu esun actual. Minister Besaril a bisa cu tin cosnan cu tin cu investiga con e seguro ta hinca den otro pa asina mehora e servicio e tin cu haber cu e seguro no ta aparece riba tur banconan di informacion unda ta aparece na cierto dokternan di cas, djentista y cierto specialista y si esaki ta e caso mes lo tin bay mehora e servicio lo mas pronto posibel.
Scarcedad di luga pa biba na Hulanda
Tin un parti di studiante ta opta pa sea bay Amsterdam, Rotterdam, Utrecht, Eindhoven of Groningen esaki ta mayoria luga cu e hobennan ta concentra. Tin problema pa busca luganan pa biba debi na espacio y esaki ta un di e tareanan unda lo bay educa nos hobennan cu tin mucho mas opcion cu solamente e 5 areanan cu hopi ta concentra y dunanan e informacion adecua cu e mes un estudio cu bo tin pensa di haci bo por hacie na otro partinan di Hulanda, e ora ey e problematica pa haya un luga pa biba ta menos complica debi tin un concentracion na e cinco luganan conoci.