Minister Besaril a ricibi prome ehemplar di buki “Passie Emotie en Liefde voor de klant”

0
RBC Juli 2018
Funmiles-2018

DEN HAAG – Minister Plenipotenciario Guillfred Besaril a ricibi e prome ehemplar di e buki “Passie Emotie en Liefde voor de klant” di e autor Arubano Richard Lopes-Slot. Esaki a tuma lugar na Alnovum na Almere.

Richard Lopes-Slot tin 20 aña di experencia den e mundo bancario y di seguro como advisor specialisa den contacto cu cliente. Den su carera e tabata teamleader, trainer y coach. Na 2013 ela cuminsa pa su mes como empresario y na 2016 ela start Lopes Slot BV hunto cu su partner Roland Slot-Lopes. Pa e compania aki Richard ta duna training, workshops y ta tene charlanan.

Durante e presentacion Richard Lopes-Slot a conta di su experencia riba e tereno aki y kico a inspire pa scirbi e buki aki cu ta un guia pa tur esnan cu ta trata cu clientenan. Duna bon servicio na e cliente ta birando dia pa dia mas importante pa cualkier compania. E arte pa durante di contacto cu bo cliente bo brinda un servicio excelente na e cliente den 7 minuut, ta e punto principal den tur e capitulonan di e buki.

Minister Plenipotenciario Guillfred Besaril despues di a ricibi e prome ehemplar for di man di Richard Lopes-Slot a felicita Richard cu su buki. E mandatario a bisa di ta hopi orguyoso cu un Arubano a logra na scirbi un guia asina detaya y profesional con pa brinda servicio na cliente. ‘Esaki no mester ta un sorpresa, ya cu Aruba a crece y bira grandi den su industria turistico danki na e manera servicial cu semper nos a brinda nos bishitantenan. Duna servico excelente ta den nos sanger. Personalmente mi ta hopi contento cu un mucha di Noord Cura Cabai awe ta presenta cu mesun publicacion aki na Hulanda,’ asina Minister Plenipotenciario Guillfred Besaril a bisa.

Comments

comments

C: Heineken
new india