Ta conoci cu e problemanan rond di adictonan ambulante tin diferente mama y tata, debi cu e ta crusa e responsabilidadnan di diferente organisacion, departamento y Ministerionan. E Minister di Husticia sinembargo ta encarga cu maneho di adictonan y hunto cu Polis y e adictonan mes, ta purbando pa yega na un solucion duradero y permanente.
Diahuebs mainta e mandatario a bay cu Polis pa bishita e adictonan cu ta frecuenta na ex Colegio Frere Bonifacius, unda hopi aña pasa tabata Sint Dominicus College den Indianenweg. E Polisnan encarga cu districto di Oranjestad hunto cu Polis di Bario di Oranjestad tambe a compaña e mandatario durante su bishita.
A ofrece ayudo mesora y algun a acepta pero respetando nan decision, otronan a bisa no y lo mester a bandona e scol inmediatamente. A base di kehonan cu a drenta a actua mesora. Aunke e lo ta decision no popular, esunnan cu no kier y cu ta molestia lo keda deteni obligatoriamente y brinda un asistencia inmediato for di departamentonan concerni.
Por a mira adictonan di tur edad presente den diferente situacion. Accionnan asina lo continua pa sigui garantisa trankilidad di e comunidad.