E compania local SafeCom encarga cu e instalacion di camaranan nobo den KIA, a entrega e proyecto oficialmente. Presente na e ocasion aki tabata Minister Dowers, kende den presencia di invitadonan a bisa di ta masha contento con e trabounan a bay pa cu instalacion di camaranan nobo den K.I.A..
Segun e mandatario cu e la keda impresiona con professional e equipo di SafeCom a traha. Esaki pasobra tin hopi protocol cu mester cumpli cu ne den un instituto manera K.I.A. y mas ainda ora ta trata di laga otro personanan drenta den e edificio aki cu no ta trahado y pa nan haci un trabou di tal magnitud, ta di admira e seriedad cu e trahadornan aki tabata tin. Na ningun momento a ricibi niun clase di keho di e trahadonan aki y na momento cu un partner externo bin traha cu husticia, e mester ta uno di confiansa complete y no tin niun clase di duda riba e integridad di e compania SafCom, Minister Dowers a enfatisa bisando aserca cu e ta spera di por sigui traha cu e compania aki tambe den futuro.E camaranan sofistica aki lo garantisa e seguridad , di no unicamente di e trahadonan como e bishitantenan, pero sigur tambe di e presonan mes.
“Nos tarea como ministerio di husticia ta pa detene hende y ora nan bin K.I.A., nos mester brindanan e seguridad tambe. Awor si un preso dicidi di viola ley, e video lo yuda den e proceso penal tambe contra di esun cu ta kere di por burla di nos systema hudicial”, Minister Dowers a bisa.