Minister Armando Lampe: “Diferente aspectonan den enseñansa ta den ehecucion”

0
RBC Juli 2018
Funmiles-2018

Desaroyo y trabounan pa aña escolar nobo

Den conferencia di Prensa di Gobierno diahuebs mainta, Minister Armando Lampe a duna un resumen di e desaroyo y trabounan cu ta wordo haci ultimamente prome cu aña escolar nobo cuminsa. Minister Lampe ta indica cu tur preparacionnan ta andando bon p’asina por cuminsa un aña escolar nobo ordena y organisa. E mandatario a señala diferente aspectonan den enseñansa cu ta den ehecucion.

ENSEÑANSA PA EMPLEO:
E registracion pa Enseñansa pa Empleo a bay hopi exitoso compara cu periodonan anterior na unda a ricibi riba 2000 mas registracion. Un cantidad di cursonan nobo a wordo habri induciendo na un interes enorme pa Enseñansa pa Empleo indicando cu pueblo kier sigui educa su mes pa hiba e pais aki na un otro nivel.

MIDDAG MAVO, AVOND MAVO, AVOND HAVO:
Minister Lampe ta indica cu aki tambe ta experimenta un interes asina grandi den registracion di tal manera cu lo bay habri un periodo nobo pa esnan cu no a logra registra den e prome periodo. Dianan 20, 21 y 22 di augustus tur interesado por registra.

INFRASTRUCTURA:
Diferente scol a haya e debido atencion pa loke ta trata infrastructura.
• Colegio Frère Bonifacius despues di a warda 7 aña, porfin ta bay bira un realidad y lo cuminsa cu e renobacion na e scol aki. E Minister ta expresa su deseo pa esaki ta e ultimo aña escolar cu Colegio Frère Bonifacius lo ta den e acomodacion provisional cu a dura demasiado tempo.
• Maria Regina School na San Nicolas tambe a cuminsa cu trabounan di renobacion.
• Colegio na San Nicolas a cuminsa cu e trabounan pa amplia e scol na unda tambe Middag/Avond Havo lo keda situa.
• Fransiscus School na Madiki, despues di a warda 25 aña pa e speelplaats wordo asfalta, awor a bira un realidad y e aña escolar aki e muchanan lo cuminsa cu un speelplaats asfalta teniendo cuenta tambe cu lo tin muchanan cu ta bay scol den rolstoel.
• St Aluisius School ta bay muda temporalmente pa cuminsa cu trabounan di renobacion. Minister Lampe ta pidi mayornan pa hiba nan yiunan na VAP-Gebouw na unda e scol aki lo keda situa pa e aña escolar nobo. Pa e muchanan cu no tin transporte, lo bay tin un bus disponibel.

INSTALACION DI AIRCO:
E prome fase di instalacion di airco a cuminsa na diferente scol.
• Cayena Kleuterschool ya a haya airco danki tambe na sector priva di Ministerio di Turismo.

DIGITALISACION:
Lo bay drenta e prome fase di e proyecto di digitalisacion cuminsando pa duna informacionnan con esaki lo bay keda realisa.

Minister Lampe ta enfatisa cu Ministerio di Enseñansa ta trahando duro pa e calidad di enseñansa bay riba un otro nivel. Y alabes ta desea tur mucha y mayornan exito den e aña escolar nobo.

Comments

comments

C: Heineken
new india