BUENOS AIRES, Argentina- E minister di Siguridad Argentino, Patricia Bullrich, a critica negativamente e idea di despenalisa e consumo di droga den su pais. El a argumena su postura uzando Hulanda como ehempel, unda cu e leynan ta mas permisibel pa cu esaki. “E mesun funcionarionan Hulandes ta bisa cu Hulanda ta un narcoestado, cu nan ta den crisis”, Bullrich a bisa durante un debate di e programa ‘Debo Decir’, na un canal local.
Den e mesun liña, e politico di oficialismo a expresa cu “depenalisacion a fracasa tur caminda unda cu el a wordo implementa”. Riba e situacion di Hulanda, el a manifesta cu “Hulanda ta e exportardo mas grandi di droga sintetico na Europa”. Na mes momento, el a agrega: “Pa locual ta e despenalisacion, esaki ta baha e idea di risico y ora cu bo baha esaki, e cantidad di consumidonan ta aumenta drasticamente”.
Observa pa miles di televidente, Bullrich a agrega cu Hulanda “a bira e pais mas bishita pasobra e ta e unico pais cu consumo liber”. Como consecuencia di esaki, segun e minister di e partido Cambiemos, “problemanan di salud a aumenta, e boksmentonan, casonan di violencia y problemanan mortal’.
E debata riba e posibel despenalisacion di consumo di droga a cuminsa varios aña pasa den e pais Suramericano, pero awo ta analisando e posibilidad pa modifica e Codigo Penal.
Te cu awo, niun autoridad di e Embahada di Reino Hulandes na Argentina a duna nan opinion riba e declaracionnan di Bullrich.
Mester destaca cu Reina Maxima di Hulanda, naci como Maxima Zorreguieta— ta Argentino y a bira un figura importante di gran releveancia internacional despues di su matrimonio cu e Rey Willem Alexander. Aunke ta existi lasonan entre ambos nacion, hopi ta puntra di e declaracionnan di Bullrich lo por perhudica e relacionnan bilateral.
Fuente: https://actualidad.rt.com