Minister Angel Bermudez no ta compronde expresion di algun politico, kendenan ta bisa cu Aruba ta mal para. Tur loke a sali, ta un rapport chikito di IMF.
E mandatario ta sigui splica cu el a keda sorprendi na comienso di siman, cu a wordo entrega diferente comentario den medionan di prensa riba un IMF rapport. E mandatario a sigui splica cu pa loke ta trata e situacion, nos ta riba e bon caminda, pero e caminda ta largo. Esey nos tur sa. IMF a bolbe confirm’e, CFT y Gobierno mes a confirm’e. Ta bay pa con ta cana e caminda ey sin cu ta dal mucho den e roadblocksnan, manera cu IMF ta señala. Esey ta e reto cu tin como Gobierno pa cierto momento cana e trayecto ey pa cierto momento yega na un stacion di finansas publico sostenibel y caminda cu mas poco posibel dal den e roadblocksnan ey.
Pa loke ta gastonan di personal, minister ta tende di parti di CFT y tur kwartaal ta tende parti di Hulanda y Oposicion, cu esey ta parti di e trayecto cu ta canando. Tin un otro trayecto naturalmente caminta cu ta yega mas lihe na un situacion caminda cu debe nacional, caminda cu e surplus ta mas grandi, pero mester di medidanan mas drastico. Cuminsando pa kita 1000 hende, e gastonan di personal ta baha cu ¼ of ⅓, y esey ta wak’e riba e budget. Loke ta bay wak riba e budget, con e onderstandnan, e sociale uitgave ta bay subi pasobra no tin un mercado eyfo den sector priva, cu ta absorba e hendenan cu kita for di trabao.
Esey ta claramente y obviamente e trayecto cu no kier cana.
Cada biaha e ta un balancing act, caminda cu ta domina e gastonan y na e mesun momento pa asina ey tambe bo mehora e finansas publico. Ta pesey tambe cu tur rason, nan ta remarca den e statement aki, cu recesion di e ultimo dos añanan, un banda a wordo causa door di Fiscal Consolidation, cual e minister kier logra realisa, caminda cu ta domina e gastonan y aumenta e entradanan caminda cu nan mester ta, a base di e presupuesto. No cabe duda si den e ultimo decadanan, Gobierno a sa di cobra tur loke e tin derecho di cobra, cual ta riba caya, cual e minister a haya ora cu el a drenta, cual ta 2 biyon, e ora e debe grandi nacional lo ta mita mas chikito. E gastonan di interes tambe lo ta mita mas chikito. Door cu no a wordo cobra, mester a fia pa funda e gastonan di tur e presupuestonan ey.
Mester wak e sistema ey pa por compronde y ta den tur negoshi e ta mesun cos. Si e creditor ta mas grandi ta e debitor, cumins cobra e debitornan pa paga e creditornan.
Tambe e minister a remarca cu gastonan di personal lo keda semper e parti mas substancial riba un presupuesto, pasobra e aparato gubernamental, ta basa riba e ser humano. Ta e hendenan ta duna servicio. Eynan tin cu wak e calidad di servicio, con pa haci’e mas eficiente y efectivo, pa asina ey haci e servicio cu kier ofrece e comunidad, na un manera mas optimal posibel contra e gastonan. Esey tambe ta un ehercisio cu ta trahando riba dje.