Pa e aña aki hopi negoshi cu doño stranhero a cumisna cera negoshi a baha bay lagando hopi debe atras manera belasting entre otro. A puntra minister Angel Bermudez kico por haci pa para e cos aki.
Segun e mandatario ta dificil pasobra nos tin un mercado habri. Di otro banda kisas ta bay considera algun forma di toch por trece den nos leynan pa asina ey por sigura cu hendenan aki no ta baha na awa, laga cu e debenan atras, vooral pa nos comercio y tambe nos hendenan cu ta empleado cerca nan, sin pago. Entre otro por ta tin cu bay considera cu un forma di borgsom si nan kier cuminsa cu un negoshi akinan. Loke ta importante tambe ta cu kisas tin cu bay exigi cu semper y cuando nan tin un representante local na Aruba cu kico cu pasa ta representa nan y nan compania. E ora ey e representantenan ey, pa ley, haciendo nan responsabel y pa loke cu por sosode den un situacion asina ey, nan lo percura pa semper y cuando esun cu nan ta representa cumpli cu tur nan deber, tanto como impuesto como creditornan local, segun minister Bermudez.
Pa por exigi algo asina, pa tin loke ta yama handhaving riba dje, tin cu legalis’e.
E proceso legislativo semper ta tuma tempo, pero si por forma un comision hunto cu e coleganan concerni cual ta asuntonan economico y husticia, por laga un comision chikito berigua cu den e leynan existente, si por inclui den nan un areglo, e ora ey por ehecut’e basta lihe. Esey no ta kita cu por señala a base di e leynan di impuesto, pero naturalmente ta trece cun’e cu mester ta al tanto y si manera den e caso ultimo, ta e empleadonan na cierto momento a informa e oficina di impuesto cu tabata tin algo straño ta pasando. Tin tambe den ley, tin e areglo bieu, cu si un doño di trabao no plaga loonbelasting y sa esey y bo no informa of señala na oficina di impuesto, den futuro lo bo haya cu nan lo no tene cuenta cune ora cu nan stipula inkomstenbelasting. Di un otro banda pa tur empleado sa cu si nan ta conciente di cierto desaroyonan cu por bay cerca nan doño di trabao, cual lo keda perhudica, pa nan avisa e oficina di impuesto, pa e por wordo monitorea y por wordo averigua si en berdad ta asina, segun Minister Bermudez.