Dia 3 di November atardi minister Angel Bermudez a entrega e rapport di cuentanan anual di aña 2015 na Parlamento. Presidente di Parlamento Wyatt-Ras y Griffier Hek a ricibi esaki. Ta spera cu pronto e ley corespondiente drenta Parlamento pa e por ser poni riba agenda di e anja aki. Por bisa cu durante ultimo añanan a inicia cu e “inhaalslag” di e diferente cuentanan anual di pais Aruba. Tabatin cuentanan anual di prome cu aña 2000 y tur a ser aproba hunto. Ta di importancia pa gobierno por responsabilisa na Parlamento. Contraloria General a haci e investigacion aki y a nota cierto desaroyo positive sinembargo ta indica cu tin trabou pa haci ainda pa pone nos finansas publico na ordo. Wyatt-Ras ta contento cu e rapport a yega awor pa ser studia door di Staten net prome cu nos lo bai trata presupuesto 2017. Por cierto ta intencion pa start sali dialuna awor cu tratamento di dicho presupuesto, Wyatt-Ras ta informa.