Companianan di seguro ta sinti cu mester haci cambio den nan leynan pa asina obliga e doño di auto tin su seguro henter aña na ordo pa cual aki a acerca Minister di Financia, Sr. Angel Bermudez pa su ponencia ariba e punto aki.
Sr. Bermudez ta sinti cu lo mester renoba e sistema aki. E sistema ta awo cu ora bin busca e sticker mester mustra cu e auto ta sigura. Cu e cambio den sistema di pago di number, lo mester mustra cu e auto ta por lo menos cada mita aña. Di otro banda, ta masha simpel di parti di companianan di seguro pa laga e control di seguro di auto, lag’e pa gobierno.
Lo mester bay sinta cu companianan di seguro, caminda nan lo mester bay participa mas activo den e supervision pa loke ta trata seguro di auto, pa asina ey cierto momento nan tambe carga nan responsabilidad.
Por ehempel, awo cu a cambia e ley, door cu e ta registra ariba nomber, cada ken cu tin un number, por administra e pagonan cu e persona a haci, cu cierto momento no ta bay tin mester mas di sticker. Esaki ta door di problemanan di pago di parti di cliente. Pero si e companianan di seguro, otorga un sticker cu ta refleha cu e auto ta sigura. Esey lo trece un supervision mas visual, y cu e auto no ta core rond sin seguro cu tur consecuencia cu esaki lo por trece.