Presente na e celebracion di Dia di Inmigracion tabata t’ey tambe minister di Husticia, Sr. mr. Andin Bikker, cu a bisa cu menos cu’n aña pasa, nan a dicidi di oficialisa e dia aki Dia di Migracion, cu pa medio di un decision cu a wordo tuma den Conseho di Minister. Lo sigui profundisa ariba e decision aki.
Hecho ta cu a keda reitera cu inmigracion, e dienst di Inmigracion a nace for di KPA, ariba un 19 di maart. Hopi importante ta pa e aña aki tambe, cu ta 50 aña, cual ta un fecha memorabel pa bay over na e ultimo pasonan pa formalisa e reorganisacion cu ta bay bira e organisacion Migracion Aruba. Ta trahando cu hopi empeño ariba posicionnan huridico, promocionnan, cu no a encamina y cu awo ta caba di formalisanan. Ora cu e dienst nobo keda cla, den e Instellingsbesluit ta sigura e formatieplan cu tur persona por sinti nan mes comodo cu nan perspectiva di carera, como tambe nan crecemento salarial y asina reconoce e hecho con aprecio nan tin pa cada un di e personanan cu ta labora diariamente, oranan largo.
Migracion Aruba ta e prome cara cu e turista, di cual e industria cu nos pais ta basicamente sostene ariba dje, cu nan ta e prome cara, Embahadornan di Bon Boluntad, cu nan ta topa ora nan yega nos pais. Sigur Migracion Aruba p.e., pa nan tin material di trabao adecua pa e rechtpositieregeling, e instellingsbesluit cu cooperacion di entre otro di sindicatonan pa formalsia esaki den e aña 50 di e existencia, reconocimento di Migratie Ambtenaar.
Mas aleu, mr. Bikker a bisa cu tur e personanan cu ta wordo reconoci pa nan añanan di servicio cu’n plakaat special, e tabata kier a felicita tur Migratie Ambtenaar pa cu e dia aki y cu e aña aki nan por caba di formalisa e reorganisacion di Migracion Aruba.