E vacuna cu kier pa pueblo tuma, vooral e grupo di riesgo cada aña, e motibonan ta bon cla, segun minister dr. Alex Schwengle. Na Juli el a eherce e ofishi como dokter di pulmon y a admiti algun pashent, entre otro tres den un siman cu pulmonia severo, a base di influenza y un di nan a fayece y dos a bay Colombia y nan a recupera. Pero hopi biaha ta wak cu e pulmonia di influenza ta hopi mas severo cu un pulmonia bacterial. E ta duna un destruccion enorme den e pulmon y cu hopi fibrose.
Hopi biaha e persona ta recupera pero cu hopi daño. E trayectoria na Intensive Care ta hopi largo prome cu nan recupera. E mensahe ta di parti di minister pa pueblo ta miho preveni cu lamenta. No lo por evita e influenza full door di vacuna, pero all over si bisa cu ta bay vacuna full pueblo, asina mes e efectividad di e vacuna no ta mucho mas miho cu 70% den su totalidad.
Pero toch esey ta hopi mas miho di no tin proteccion at all, pasobra e consecuencianan ta fastioso. Si bo ta djis haya un griep cu bo a bira malo tres dia cu keintura, b’a drumi, b’a bebe bo remedinan di cas y djey bo ta bon, toch e virus ta cambia di caracter cada aña of mas biaha pa aña y lamentablemente cu consecuencianan hopi severo, cu no ta solamente algun dia bo ta pasa den cama, pero bo ta end up bon malo den hospital cu hopi consecuencia.
Aparte di esey e parti di AO ta hunga un rol hopi grandi. E tin un consecuencia financiero pa pais y no subestim’e. Ta daño di miyones di economia tur aña. Ta boga tambe pa si hospital y e instancianan di salubridad por papia cu nan trahadonan y papia tambe cu kisas via e sindicatonan, aunke no ta obligatorio, pero si recomendabel, pa un hospital sigur, pa tur trahado, pa tuma tur aña e vacuna.
Esaki ta importante pasobra tin pashentnan no por proteha nan cu un vacuna, sinembargo nan tin un sistema imunologico hopi swak y si e trahadonan ta protehi door di e vacuna, e riesgonan pa transmiti e malesa di influenza riba e pashent ta bira hopi menos.