Pa minister Alex Schwengle, sigur un clinica asina, manera e dialyse kliniek, ta hopi imporante aunke ta di lamenta cu nos Isla tin asina hopi pashent na Aruba.
E minister a menciona cu 35 aña no ta algo chikito. E ta algo pa celebra, pero un lastima cu tin cada biaha mas persona cu tin mester di dialyse. Si wak bon, un dialyse afdeling tey pasobra e primaire preventie a faya, den sentido cu a pasa e stacion caminda cu por a preveni e malesa y e persona a end up cu su riñonan no ta funciona mas y mester di dialyse. Sa cu no a ni yega e punto maximo ainda di e capacidad cu ta bay tin mester den futuro, lastimamente. Esey ta e parti negativo. E parti positivo ta si cu tin hopi cos cu por haci, pero mester haci’e hunto. Ta bon pa dialyse afdeling keda crece y duna miho servicio cu nan por duna. Esey ta keda na tur pa aporta na esey. Hospital ta hunga un rol. E personanan cu ta traha eynan na dialyse tambe ta hunga un rol, pa keda amabel cu nan cliente, pa cliente sinti su mes na cas, aunke cu e ta entrega 3 dia di su bida tur siman na dialyse. Gobierno tin un responsabilidad hopi grandi pa bay percura pa tin suficiente fondo pa e necesidad di dialyse sigui crece hunto cu e necesidad di un pueblo.
Alabes e enfoke di gobierno sigur mester ta hunto cu pueblo pa por bay inverti hopi mas ainda den primaire preventie, unda cu mester sigui boga y bende eyfo, cu tur nos hendenan, nos amigonan, nos famianan, pa por fabor, stop di bebe alcohol, stop di huma, stop di uza extra salo rib e cuminda, come saludabel, move un tiki, por lo menos un mey ora pa dia, cual ta net nada. Tur e cosnan ey ta yuda baha e presion riba e necesidad di dialyse pa pais Aruba y no ta bisa pa e placa. Si nos bira un isla multimiyonario mes, nos ta come bebe loke nos kier y na finalmente dr. Romeo Kock ta yuda haya un dialyse pashent mes. Papia cu un pashent cu ta na dialyse, por conta cu esaki no ta un bida facil. E no por bebe ni come mas loke e kier. E tin hopi restriccion. Nan ta siña biba cun’e. Algun di nan tin hasta humor. Pero nan tin un bida hopi tough. E minister aprecia y admira nan con nan por biba cu e bida aki.