Militarnan di Corsou for di 11 di december 2023 te cu 7 di januari 2024 a asisti Cuerpo Policial Corsou durante e operacion “Ta basta awor”.
E asistencia Militar a dirigi su mes riba mengua criminalidad relata cu arma di candela y halsa siguridad riba e isla. Den un esfuerso conhunto cu KPC, militarnan di Corsou a ehecuta patruya, a pone punto di control mobil, y a aplica ‘blue light prevention’ prevencion pa medio di luz blauw, pa asina halsa visibilidad riba caya, bou di e autoridad di Ministerio Publico.
Durante e puntonan di chekeo di vehiculo, diferente vehiculo a keda controla, loke a resulta den confiscacion di diferente arma y droga. Banda di esey a parti but, y KPC a confisca vehiculo.
“Ta basta awor” a keda desplega riba e isla durante e periodo druk aki, ya como e periodo aki hopi biaha ta bay compaña cu un aumento di delincuencia, pa motibo di un cantidad halto di actividad financiero. Durante 27 anochi y marduga, cada anochi a desplega 12 Militar di Corsou, semper den cooperacion cu KPC. E militarnan di Corsou mes no tin autorisacion pa investigacion.
E asistencia duna ta cay bou di e di tres tarea principal di Defensa den Region Caribe Hulandes; duna sosten na autoridad civil. Cu esaki Defensa den Region Caribe Hulandes ta colabora cu siguridad na Corsou.