Militarnan di e Compagnie in de West (CIDW cu ta un unidad rotativo di e Forsnan Militar) y e militarnan di Corsou a regresa for di St. Maarten.
Comandante di e Armada, Brigadiergeneraal Peter Jan de Vin tabata na Hato, e punto di apoyo di Warda Costa, pa asina duna nan un cordial bon bini. Net despues di e pasada di horcan Irma, e grupo di militarnan aki a wordo desplega pa St. Maarten. Nan a zorg pa mantene e orden publico, resguarda siguridad na aeropuerto y tambe nan tabata tin un rol activo den e distribucion di awa y cuminda.
Cu e regreso di e militarnan aki, a keda solamente militarnan di Hulanda ariba e isla di St. Maarten. Militarnan di e Forsa Arma y e joint support ship Karel Doorman ta sostene St. Maarten den su recuperacion. Ta premira cu nan lo keda na St. Maarten te cu November.