Riba peticion di Cuerpo Policial Corsou, e Militarnan di Corsou a duna asistencia durante Carnaval p’asina garantisa siguridad na Corsou.
E enfoke di duna asistencia na Cuerpo Policial Corsou tabata enfoca reglamento di trafico. E esfuerso conhunto aki ta ilustra e echo cu Defensa y KPC ta partner di siguridad confiabel y relevante di y pa otro.
Durante e asistencia KPC a tuma rienda den e coordinacion y direccion, Defensa a duna sosten den esaki cu 20 Militar di Corsou, riba dianan 4, 9, 11, 12 y 13 di februari.
E asistencia na autoridadnan local ta un di e tres tareanan mayor di Defensa den Region Caribe Hulandes.