Riba diasabra, 24 di februari 2024, un militar Hulandes di ‘Compagnie in de West’ a fayece despues cu el a bai snorkel na Playa Porto Marie na Corsou.
Wardacosta Region Caribe, despues di e notificacion tocante e militar perdi, a cuminsa cu un buskeda, p’e persona perdi aki. Helicopter di Wardacosta y e avion di patruya Maritimo, DASH, despues di e notificacion inmediatamente a cuminsa un buskeda. E boto Metal Shark tambe a keda desplega canto di costa, CITRO a sostene esaki y e buceadonan di Marina a bay busca bou di awa. Tambe colega di acerca di CIDW a busca cu alma y curpa. Despues di algun ora a haya e curpa. sin bida di e militar.
Famia y colega a keda informa. Nan ta ricibi sosten di e empleadonan di asistencia social y cuido spiritual mental. E motibo di fayecimento ta keda investiga mas a fondo.
Nos pensamentonan ta cu e famia di e militar y esunnan cu a keda atras.