WYOMING, Merca- Diahuebs, cientos di persona a congrega den e stad Wyoming pa asina asisti na e entiero di Otto Warmbier.
Warmbier tabata un studiante Mericano cu siman pasa a wordo repatria den estado di coma, den estado di coma despues di tabata deteni pa 17 luna na Noord- Korea. Casi 2.500 persona a asisti na e ceremonia, cu a wordo celebra den e scol secundario caminda el a stuida. Otto a muri dialuna ultimo y e tabata tin 22 aña di edad. Riba zonido di e musica solemne, su famianan a carga e caha te na e shersh, cu a traslada esaki pa un santana den su ciudad natal, Cincinnati, Ohio.
Na 2016 el a wordo condena pa husticia Norcoreano na 15 aña di trabao forzoso pa e robo di un cartel di propaganda di Pyongyang y dia 13 di Juni el a wordo repatria cu lesionnan celebral, resultado di un paro cardiorespiratorio, segun dokternan cu a atende na Cinncinati.
E auditorio di e scol apenas tabata tin luga pa 800 persona, pa cual mayoria a sigui e ceremonia via pantayanan. Esaki a dura 45 minuut. Cayanan tambe tabata yena cu personanan cu pancartanan cu mensahenan di apoyo y curasonnan di carton.
Miles di persona a para wak e caravana di autonan preto pasa den e cayanan dora cu cintanan blauw y blanco mara na e palonan di mata, marcando e ruta di e caravana.
Presente na e entiero tabata tey personalidadnan politico di departamentonan estatal y di defensa. E senador Republicano pa Ohio, Rob Portman, cu a participa den e operacionnan pa trece e hoben bek cas, tambe a asisti na e ceremonia.
Fuente: www.univision.com