AMSTEDAM, Hulanda- Ariba e ‘dark web’, un parti anonimo di internet, den netwerknan cera imagennan di muchanan, den e caso aki, Hulandes, ta wordo comparti na mas di un ocasion. Esaki ta e conclusion di RTL Nieuws despues di un investigacion caminda cu e periodista Daniël Verlaan a bay undercover.
Den e rednan aki tin un grupo grandi di miembronan Hulandes, consistiendo di miles di mucha, specificamente buscando abuso di muchanna Hulandes. E victimanan ta varia di entre baby te cu mucha nan di 13 aña. Mayoria di e victimanan ta mucha muhenan jong.
Riba e rednan aki tambe ta duna tips tocante e abuso y luganan unda cu muchanan vulnerabel por wordo haya. Asina tambe e perpetradornan ta bira trahado social bountario unda cu tin muchanan vulnerabel. Na mes momento hopi biaha di e abusadornan ta bin for di e mesun circulo cercano di e victimanan, manera un familiar, un amigo of un docente.
Segun Verlaan, e mes a wak 420 muchanan Hulandes riba e rednna. Pa determina si ta trata e muchanan Hulandes, el a haci un prueba pa wak tin algo cu por indica cu ta trata di canalnan di television, of si ta Hulandes ta wordo papia.
Polis a informa RTL cu, segun nan informacion, tin mas o menos 1700 victima Hulandes kende nan imagennan por wordo mira online. Esaki nan por wordo haya ariba e red scur, pero e imagennan tambe ta wordo comparti cu via email, via app.