ABUJA, Nigeria- E ehercito di Nigeria a rescata y libera mil persona cu tabata reteni den e camponan di e grupo yihadista Boko Haram. Esaki a wordo confirma door di fuentenan militar.
Entre e personanan cu a wordo liber ta haya mucha, hoben y muhenan cu a wordo obliga pa e yihadistanan pa drenta den e fila di su formacion. Vocero di ehercito, Texas Chukwuma a confirma esaki.
E operacion di rescate a keda produci danki na e colaboracion di e forsa militar multinacional conhunto forma na 2015 entre Nigeria, Cameroon, Niger, Chad y Benin para combati e milicia islamista rond di e lago Chad.
Boko Haram frecuentemente ta realisa secuestronan den e zona, mayoria ta adolescentenan cu ta wordo uza den matrimonionan forsoso y como esclavonan sexual. Tambe nan ta wordo uza pa combati y obliga pa cende nan mes na candela den atakenan suicida.
Mas di 20 mil persona a muri desde e comienso di e insurgencia yihadista den e zona na 2009. Ademas, rond di 1.6 miyon di persona a hayanan mes obliga di bandona nan hogar y 4.7 miyon mester di asistencia alimentario urgente, segun cifranan di ONU.
Fuente: EFE