Miho espectativa economico pa 2018 y 2019 cu (anteriormente)anticipa

Parlamentario Setty Christiaans-Yarzagaray recientemente a elabora riba diferente
publicacion cu Banco Central di Aruba (CBA) a emiti ultimamente. Manera conoci, Banco
Central su publicacionnan ta contene tabelnan y statistieknan cu e Parlamentario ta considera
hopi importante especialmente su publicacion “Economic Outlook” pa April 2019 cu ta relata
con economia di Aruba, midi como GDP den termino real, a desaroya su mes den aña 2017 y 2018 y con esaki ta premira di desaroya su mes den aña 2019.
E Parlamentario a tuma nota cu Banco Central a ahusta resultado di GDP pa aña 2017, 2018
y pronostico di 2019. For di e grafico cu Banco Central a publica den su “Economic Outlook”
por nota con pa aña 2018 a ahusta e GDP cu 1.9%, mirando cu anteriormente a spera un
resultado di crecemento di Aruba su GDP di -0.5% den termino real y awor por conclui cu
esaki a resulta di ta 0.9% di crecemento.
Pa loke ta trata e proyeccion pa aña 2019, anteriormente e GDP, cu ta e metodo cu ta midi
economia di Aruba, tawata premira pa crece cu 0.1% den 2019 compara cu e aña anterior,
awo esaki a wordo ahusta na un crecemento compara cu e aña anterior di 0.9% den termino real.
E diferente factoranan cu a conduci na e ahuste aki entre nan sigur ta e factor Turismo. Den e
caso aki, Banco Central ta indica cu Turismo a logra sostene e parti economico, cu segun e
Parlamentario no ta un secreto. Segun Banco Cnetral, Aruba a ricibi mas entrada for di e
industria turistico den aña 2018 aunke inversionnan tambe un parti a sostene e economia di
Aruba. Den e caso aki, enbes cu economia conoce caida den termino real di 0.5%, esaki a
termina na aña 2018 riba un nivel di casi 1%. Igual ta wordo premira pa aña 2019.
Den e caso di aña 2019, GDP a wordo proyecta riba 0.1% y awo tin un proyeccion basa riba
inversionnan basa riba proyeccionnan ta premira cu esaki tambe lo termina den e aña aki den
0.9%, yegando casi 1%.
Esaki, Parlamentario Christiaans-Yarzagaray ta bisa cu ta bon noticianan. Den principio e ta
duna un noticia un poco alentador pasobra e ta hisa locual a spera cu economia lo bay
desaroya su mes den e dos añanan aki, esta 2018 y 2019. Apesar cu aña 2018 a pasa, cifranan
ta keda obtenibel na final, pues despues di procesa tur informacion. E ahustacionnan aki ta
keda bon noticia aunke cu lo desea cu esakinan ta hopi mas pero den su conclusion, Banco
Central ta indica tambe cu nos economia ta depende grandemente di economianan di otro
paisnan, manera Merca y Venezuela.

Parti di nos Turismo por ehempel a depende grandemente riba economia di pais bisiña
Venezuela. Aworaki nos no por y no ta conta riba e proyeccion aki den su totalidad mas,
tumando na cuenta cu e economia inestable di Venezuela. Palamentario Christiaans-
Yarzagaray ta indica cu Banco Central ta indica preocupacionnan señala pa IMF, ta mustra cu
ta anticipa cu 70% di economianan global ta bay experencia ‘slow down’ den crecemento.
Mirando cu Aruba tin un economia habri (open economy) y ta depende grandemente di
economia di otro pais, incluyendo economia Mericano, e Parlamentario ta pensa cu ta
importante pa tur hende incluyendo Gobernantenan mester tene cuenta cu esaki. E noticia aki ta di tene bon na cuenta cu n’e. Como Parlamentario, e ta mir’e prudente pa trece esaki dilanti pa motibo cu conclusionnan di e rapport aki di Banco Central, di un “slow down” den gran parti di economianan global incluyendo Merca, Aruba mester tene cuenta cu e efectonan cu esaki tambe tin den e temponan cu ta bin.

Comments

comments