Diadomingo atardi, club di SportBoys na Angochi a host e torneo di domino Individual Copa Rey 2017 organisa pa e federacion di domino. Mester bisa cu un total di 60 participante a inscribi na e torneo aki unda tur hungado a hunga 6 wega y despues a saca e miho 8 hungado individual cual a bataya contra otro pa e final torneo Individual Rey Domino. Na final di e torneo e ultimo cuater personanan a bataya fuerte y aki como e campeon di e torneo Copa Rey den Domino a keda Miguel Tromp, na di dos luga a keda Glenn Croes, na di tres luga nos a haya Gregory Wernet y na di cuater luga a keda Ivo Tromp. Pa loke ta e posicion di cinco te cu ocho luga nos a haya como number cinco Henry Acosta, na di seis luga Pierro Maduro, na di shete luga Andres Vrolijk y na di ocho lugar Indira v/d Linde. Sigur un pabien na tur e participantenan pa engrandece e deporte di domino. Den e di dos siman di Mei, e campeonato di Aruba Domino Bond lo start sali cu e prome weganan, pues tur team por cuminsa na prepara nan mes debidamente.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo Copa Rey den e deporte di Domino.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.