E conocido cantante Miguel Genser ta presenta su produccion nobo, un cancion cu e incomparabel cantante Izaline Calister, cu ta titula “Baila Cumi”
Genser a acerca Izaline cu e composicion aki, cual a wordo skirbi 3 aña pasa, uzando Izaline como su inspiracion. E mes ta conta: “Ora nos a topa otro December ultimo na Aruba pa nos segundo presentacion pa un evento di pasco, mi a tuma e curashi di puntra Izaline pa canta e cancion aki cumi. Ora Izaline a scucha e cancion el a bisami cu el a namora mesora di dje y a acepta e reto aki caminda awe, nos ta presenta na boso tanto na Aruba, Corsou y Boneiro: nos single nobo. Un “feel good song” pa alegra tur hende su curason un poco. Izaline cumi ta masha orguyoso di e resultado. Nos ta spera cu bo tambe guste.”
Un palabra di pabien ta bay na Miguel como tambe na Izaline Calister cu e bunita produccion aki.