GUATEMALA/MEXICO -Varios miles di persona na caminda pa Merca, ta crusando e frontera cu Mexico a pesar di e menasanan di Donald Trump.
E caravana compone di varios miles di migrantenan procedente di Honduras cu destino Merca a kibra e barrera frontersia y ta crusando e frontera entre Guatemala y Mexico. Esaki ta a pesar di e menasanan di represalia di parti di e presidente Mericano, Donald Trump.
E canciyer di Mexico, Luis Videgaray, diabierna mainta a splica cu e migranteann cu tin un visa pa drenta Mexico, como tambe esunnan cu ta solicita algun tipo di asilo. Mientras cu esunnan cu ta drenta sin documento, pa cualkier motibo, lo wordo deteni y deporta pa nan pais.
E polemica a bin despues di cu dia 12 di october, un otro caravana di Centroamericanonan, procedente di Honduras, El Salvador y Guatemala a sali dispuesto pa yega territorio Mericano. Rond di 160 persona di e ciduad di San Pedro Sula, e di dos ciudad Hondureño mas importante. Den e dianan siguiente, cientos di persona mas a uni na e caravana aki.
A pesar di cu ta existi libertad di movimento entre e paisnan ya menciona, na nan yegada e ciudadanonan mester mustra un visa valido pa drenta of mester sufri e agonia di deportacion. Pa e motibo aki, Washington ta presiona autoridadnnan Mexicano pa stop e fluho di migrantenan.