Presidente di parlamento recientemente tabata na New York, den cuadro di trabaonan dentro di Reino Hulandes unda cu el a bay hunto cu e delegacion di Reino Hulandes. Sr. mr. Ady Thijsen ta splica mas ariba e biahe aki.
E delegacion di Reino Hulandes tabata consisti di miembronan di Eerste y Tweede Kamer. Pero tambe e presidente di parlamento di St. Maarten y e vice presdiente di presidente di di Corsou tambe tabata presente y Sr. Thijsen a bay representando Aruba, como presidente di Parlamento di Aruba. Di parti di VNO tambe a bay un representante, como tambe e parti di comercio di Hulanda, como tambe un Señora cu tabata representante di un organisaicon di Hende Muhe y tambe un dama hoben, cu tabata representa tambe Hubentud.
E biahe aki tabata un experiencia hopi grandi, aunke trabaonan tabata hopi extensivo. Sr. Thijsen ta sinti cu el a logra haya hopi informacion y haya hopi contacto. Por a mira con Nacionnan Uni ta traha, cual tabata algo hopi serio riba cosnan cu ta pasa na mundo, cu tin efecto ariba nos tambe.
Den e reunionnan a trata e tema di Derechonan Humano. Tin e parti unda ta parti di Migratie, cu ta un problema hopi grandi na mundo, mirando situacionnan na Merca, na Europa y mas cerca di cas, Venezuela. A trata tambe Trata di Arma y Municion, como tambe e trabao di Corte Internacional di Husticia, Conseho di Siguridad y tambe Violencia contra Hende Muhe. A papia di SDG’s, Cambionnan Climatico.
Pa loke ta Venezuela, e situacion ta birando cada dia mas serio y hopi delicado. Aruba ta haciendo tur lo posibel pa haya e sosten di paisnan grandi. A haya ‘toezegging’ di Union Europeo cu nan lo yudan Aruba y Corsou. Pero ainda nan falta pa papia cu e Representante di Reino na Bruselas, cual no a tuma luga ainda.
Durante su estadia na New York, Aruba, Corsou y St. maarten tabata papia cu e comision di Nacionnan Uni, cu ta trata e problemanan aki, a splicanan lo siguiente: Reino Hulandes ta un di e donateurnan di Nacionnan Uni, di casi 1 miljard. Nan ta kere den Nacionnan Uni, pero dor cu Aruba ta parti di Reino Hulandes, y Aruba tambe tin un problema mescos cu e otro paisnan. Aruba ta cumpli cu tur e criterianan pa yega na haya sosten y esey UN a compronde. Nan lo yuda Aruba den tur loke ta posibel, pa haci distincion di e islanan aki, ya cu asina nan nunca lo yega na haya sosten.
Nan lo papia cu Hulanda, pa asina e islanan haya e sosten cu nan merece. Te asina leu, Sr. mr. Ady Thijsen, presidente di Parlamento di Aruba, ariba e biahe pa New York, en particular pa Nacionnan Uni.
