Ya for di diasabra anochi caba cu polis nan a haya un cas den Indianenweg tur reboltea. Adictonan ambulante a laga e cas un desaster. Nan a coba den delaster un lachi di e cas saca tur cos benta abou. Nan a horta diferente airco y tambe cosnan electronico manera television etc.
Nan a horta tur e tubonan di koper di e cas lagando awa ta core pa hopi dia. Polis a purba di busca pa familiares pero no por encontra nan ainda. Bisiña ta conta polis cu ta un pareha di edad ta biba eynan y cu nan a bai den exterior pa motibo di salud.
Te hasta un auto mester tin eynan para pero no ta mira esaki tampoco.
Ta tristo pa mira con e cas a keda. Polis nan a sera e cas y tawata patruya constantemente eynan pa controla e cas. Diamars marduga atrobe nan a pasa eybanda y a wak cu e cas ta habri. A baha controla y ta topa cu e conocido “Dof” drumi eyden. Polis a deten’e y hib’e warda pa e bay duna cuenta ken tur a comete e acto aki.