Diamars a saca Aruba for di e “gray list” di paraiso fiscal pa Union Europeo. Mientras tanto, Corsou tin hopi trabao pa haci, segun un articulo publica den De Telegraaf.
Dos biaha pa aña, Union Europeo ta haci un resumen di e paraisonan fiscal. Tin un ‘black list’ cu ta inclui Rusia y Panama. Riba diamars, Bahamas, Belize, Seychelles y Turks & Caicos Island a wordo exclui for di e lista aki pasobra nan kier adapta nan practicanan fiscal.
Beneficio fiscal
E paisnan cu ta cooperando den reformacion di nan ley y nan practicanan fiscal, pero cu ainda no a stop di duna beneficio fiscal completamente n’e empresa y individuo , ta inclui den e gray list (lista shinishi).
E ministernan di Union Europeo a dicidi riba diamars pa saca Aruba for di e lista aki. “Aruba a cumpli cu su obligacionnan actual,” nan a bisa den un comunicado. Pa Aruba, esaki tabata specialmente e intercambio di dato financiero. Corsou ainda tin trabao pa haci y p’esey ainda e ta riba e gray list.