Sra. Louisette “Setty” Christiaans- Yarzagaray, tambe ta un di e miembronan nobo di Parlamento cu a huramenta diabierna mainta. E ta splica mas di e experiencia nobo aki.
Sra. Christiaans a bisa cu loke mas a refleha den campaña tabata un desconfiansa den pueblo, den sentido di e nivel, den locual cu pueblo mes a ripara. E representacion di MEP ta relativamente hoben y cu nan conocemento, nan ta spera di eleva e calidad di Parlamento y tambe e confiansa di pueblo. Recobra un poco loke nan a perde, demostra cu nan t’ey pa transmiti e voz di pueblo y purba traha en berdad, pa cu scucha kico ta biba eyfo y purba transmiti esaki tambe.
Logicamente Parlamento ta un instituto legislativo, y su persona a bin di un mundo ehecutivo. E ta un transmision, un momento di adaptacion. Pero, e no ta bin sin nada. E ta bin cu nan experiencia y cu nan ta spera cu nan por aplica esaki den eleva e nivel di parlamento y unda cu nan por transmiti e bos di pueblo bek di parlamento, scucha kico mester traha ariba dje.
Y si ta volg e desaroyonan, mirando e background cu e ta bin di dje, tin cosnan cu probablemente lo mester bay traha ariba dje awo, manteniendo MEP su meta principal su dilanti, cu ta di pone e hende bek central y traha ariba esakinan.
Esey ta meta pa cual Sra. Louisette “Setty” Christiaans- Yarzagaray ta aworaki den parlamento.