Sr Dirks di Sindicato SPA diamars atardi a yama un conferencia despues di a reuni cu su miembronan na POVA cu carakter di urgencia. Sr Dirks a menciona cu siman pasa SADA, SPA, y SIMAR a manda un carta pa Gobierno pa stop di corta den e bezoldiging di ambtenaar y principalmente di Polis.
https://www.facebook.com/masnoticia/videos/554459938791345/?v=554459938791345
E sindicato a keda invita door di Gobierno pa diaranson atardi delibera cu Gobierno di e carta. Pa nos sorpresa cu e invitacion cu a keda tuma luga dialuna atardi pero honestamente e reunion tabata un set pa dividi nos. Por corta pafo di e bezoldiging sr Maduro di SADA a mustra esaki den un calculacion si esaki pasa e porcentahe ta bira 6.25 y no 8.6 cu Gobierno ta pretende y ora a enfrenta gobierno no por a duna splicacion riba esaki y manera a splica anteriormente e reunion a bay basta den mal tera. Diaranson atardi lo warda e reunion cu Gobierno.
Nos a haya e mal noticia cu e concepto di ley cu ta keda menciona pa baha e salario ta cla y falta pa bay Parlamento di Aruba y den e concepto articulo 3 ta bisa cu lo corta 5% di e bezoldiging, Gobierno tur e tempo aki tabata na altura cu nan ta bay corta y no lo cambia esaki y a cumpra tempo pa gaña sinta cu nos na mesa y falta di respet pa nos como polis y tur ambtenaar. Nos ta rabia y e emocion cu nos ta aden, den e articulo 7 ta papia cu Gobierno por hisa e porcentahe tambe sin tin nodo di bay parlamento.
Diaranson 1 or merdia nos lo reuni cu tur polis na Wilhelmina Park y despues di esaki lo entrega na parlamento pidi nan pa no acepta esaki.