E situacion ta sigui status quo na WEB pa loke ta e trahadonan cu a bay den welga desde ayera marduga. Segun director di e planta, Luis Oduber, desde ayera marduga, nan a sinta negosha te cu mainta tempran. Despues di esey nan a bay mediador y awe merdia atrobe nan a acerca mediador pa su intermediacion y a yega na un pakete cu a considere hopi bon riba locual cu tin caba.
Pero directiva y e miembronan di sindicato no a bay di acuerdo cu e pakete, segun Oduber. Ta pidi e coleganan pa reconsidera y wak e pakete bon. Ta papiando aki di un aumento salarial di 195 florin pa luna na 2017 y na 2018 tin un aumento similar. Tambe lo bay tin signing bonus cu a wordo firma e aña aki y tambe e lo wordo acompaña pa 2017 y tambe 2018. Algun condicion secundario a wordo adapta un poco y no por bay fuera di locual cu nan ta financieramente.
E adaptacionnan por ta no ta manera e miembronan ta desea, pero loke ta ofrece awor aki ta maximo cu por, segun e director.
Tin contacto cu tanto minister de Meza, como e director di Utilities y ta pone nan na altura di e situacion. E director ta menciona cu no por mantene e gastonan y controla e gastonan. Aki no tin cuestion di bay atras, sino con ta bay dilanti. Lamentablemente e trahadonan no a acepta e pakete di awe tardi;.
E director no sa kico no nan kier. Te ainda gerencia no a haya un contraoferta y nan lo sinta na mesa bek cu sindicato awe nochi y pa scucha kico precies ta e puntonan di preocupacion.